ໃນຕອນເຊົ້າຂອງວັນທີ 23 ສິງຫາ 2024 ທີ່ ນະຄອນຫຼວງວຽງຈັນ, ທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນປະທານກອງປະຊຸມສຸດຍອດການນໍາແມ່ຍິງອາຊຽນ ຄັ້ງທີ 3 ພາຍໃຕ້ຫົວຂໍ້: “ສົ່ງເສີມວຽກງານເສດຖະກິດການດູແລເບິ່ງແຍງ ແລະ ຄວາມເຂັ້ມແຂງ ເພື່ອກ້າວສູ່ປະຊາຄົມອາຊຽນ ຫຼັງປີ 2025”, ໂດຍມີບັນດາຜູ້ນໍາອາຊຽນ, ບັນດາລັດຖະມັນຕີຮັບຜິດຊອບວຽກງານແມ່ຍິງ ຈາກບັນດາປະເທດສະມາຊິກອາຊຽນ ແລະ ຕີມໍ ແລັດສະເຕ ເຂົ້າຮ່ວມແບບເຊິ່ງ ແລະ ແບບທາງໄກ.
ການສົ່ງເສີມຄວາມສະເໝີພາບຍິງ-ຊາຍ ແລະ ການສ້າງຄວາມເຂັ້ມແຂງໃຫ້ແມ່ຍິງ ກໍຄືວຽກງານເສດຖະກິດການດູແລເບິ່ງແຍງ ແມ່ນໜຶ່ງໃນບູລິມະສິດການເປັນປະທານອາຊຽນຂອງ ສປປ ລາວ ໃນປີ 2024 ພາຍໃຕ້ຄໍາຂວັນ: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”.
